Back Edward Duyker Afrikaans ادوارد دويكر ARZ ادوارد دویکر AZB Edward Duyker Catalan Edward Duyker Danish Edward Duyker German Edward Duyker English Edward Duyker Esperanto Edward Duyker Spanish Edward Duyker French
Edward Duyker a zo ur skrivagner hag istorour aostralian bet ganet e Melbourne d’an 21 a viz Meurzh 1955. E familh (tu e vamm), hag a oa a orin eus Breizh a zivroas eus Sant-Maloù, Sant-Servan, an Oriant, Brest ha Dol en XVIIIvet kantved.
Edward Duyker an hini eo a savas buhezskrid Marc-Joseph Marion du Fresne, ar Breizhad en doa dizoloet evit ar wech kentañ aodoù Aostralia (e 1772), hag a savas ivez un niver bras a bennadoù buhez-skrid diwar-benn ar Vretoned aet da zizoloiñ bro, evit ar Dictionnaire de Biographie Mauricienne hag an Australian Dictionary of Biography. Kalonekaat a reas gant e holl bouez ar Vretoned da gemer perzh er Menai Celtic Festival, un darvoud sevenadurel e Sydney e 2003 hag e resitas ar bedenn Hon Tad e brezhoneg, a oa bet pourchaset dezhañ an destenn anezhi gant Bernez an Nail, en oferenn geltiek unkumuniek an 29 a viz C’hwevrer 2004. Ezel eus an Australian Academy of the Humanities eo hag eil kelenner en University of Sydney.